Robin Williams

Vir Robin Williams:

Dankie dat jy ons laat lag het, male sonder tal,
dat jy ons lewens verryk het met jou sêgoed
en sin vir humor.

Voordat die donker vir jou te veel geword het.

Dit is ons plig om die donker in ons
te leer ken,
en om werk daarvan te maak.
Want daar is donker in ons almal.

Maar Lig is altyd sterker.

Geluksaligheid en die mossie

Geluksaligheid en die mossie:

Ek is in die gelukkige posisie om in 'n stunning plek te bly. Gordonbaai, teen die berg. Die uitsig is amazing. My lessenaar is so geskuif dat ek uitkyk oor die mooie Hottentotsholland berge, Tafelberg en aan die ander kant die see. En as die wind waai, waai die miswolke sommer en hier voor my venster verby.

Nou een oggend was daar weer so 'n mooie sonsopkoms, die koppie koffie was lekker, die skrywery gaan goed, 'all is well'. Natuurlik lei dit tot 'n gevoel van geluksalikheid, soos die ou vertalings van die Bybel gesê het. 'n Gevoel van 'die aarde en alles daarop' is mooi. Die wêreld is reg.

Die voëltjies kom kuier. Een mossie kom sit sommer hier voor die venster. Net 'n entjie verder vlieg 'n skoenlapper 'n paar draaie, gaan sit op 'n takkie. As ek nie van Eva se appel gehappery geweet het nie, het ek gedink ek is in die paradys.

Die mossie vlieg met 'n sierlike boog reguit na die skoenlapper.

Met'n kraakgeluid vreet hy die skoenlapper op.

Skielik het ek besef dat die lewe kan eindig in 'n sekonde.Want die dood is net ‘n asem vêr.

'n Mens lewe nie een keer nie, maar elke dag. Ons sterf net een keer.

Shine – elke dag.

Van rose en disprins

Van rose en disprins: Hoekom doen ek wat ek doen en nie wat ek moet doen nie.

Een van my voornemens vir die jaar was om gereeld te oefen. Ja, goeie idee. Maar ai tog! Ek begin, hou uit vir ‘n week of twee, dan raak ek besig , het nie meer tyd vir oefen nie, doen al hoe minder. Ek maak myself mal!  As deel van my KPB  plan het ek gaan oplees hieroor en toe uitgevind van rose en disprins en dat mens met die hart besluite neem en met die kop dit regverdig. Want ons is nou maar eenmaal van emosies aangemaak gesit.

Daar is twee kragte wat my optrede beinvloed: plesier en pyn. ‘n Mens beluit om iets te doen omdat dit ‘n mens nader aan plesier bring of omdat dit mens weg neem van pyn. Dit is hoekom daar ‘n verskil is tussen wilskrag en trekkrag. Wilskrag is ‘n moeilike ding want ‘n mens veg teen wat mens regtig wil hê teenoor dit wat ‘n mens dink hy wil hê.  Trekkrag is meer effektief as wilskrag.

Want motivering is die som totaal  van al my begeertes, net soos die lewe die som totaal van al my besluite is. Daar is nie net een behoefte in my lewe nie. Volgens  die motiverings guru, Tony Robbins is daar ses menslike behoeftes:

1.   ‘Certainty’ - die versekering dat ‘n mens pyn kan vermy en plesier kan verkry.

2.    ‘Variety’  - mens wil verskeidenheid beleef, verander, nuwe stimulering hê.

3.    ‘Significance’ - Waarde/betekenis: ‘n mens wil iets beteken.

4.    ‘Connection’ - ‘n mens wil liefde gee en ontvang

5.     ‘Growth’ - wil verbeter, deel wees van iets groter as mens self.

6.    ‘Contribution’ -  ‘n begeerte om ander te help.

 Verwys:  The 6 Human Needs: Why we do what we do - Tony Robbins Blog

Elkeen van hierdie behoeftes kompeteer vir aandag. Dit is waar rose en Disprins deel van die proses raak.

‘n Rose besluit  – die ding wat ek wil doen laat my goed voel,  laat my beter voel oor myself.  Ek  sal goed voel as ek fiks en maer is. As ek oefen dink ek hoe lekker dit gaan wees om daardie doel te bereik, hoe  goed ek gaan voel oor myself, en wat doen ‘n fikse persoon: hou aan met oefen, eet reg, lewe gesonder,  gaan aan met die program. En voel goed.

‘n Disprin besluit – die besluit maak pyn minder, ek moet gaan oefen want ek is onfiks. Ek wil weg beweeg van die pyn. Sodra ek begin oefen en beter voel raak die ander behoeftes se emosionele waardes meer en hou ek op met oefen. En ja, om voor die TV te sit word emosioneel makliker!

Disprin werk vir ‘n kort rukkie, rose kan weer en weer blom. Dit is wat motivering is. Om vir onsself die emosies van suksesvolle voltooiing van ‘n besluit  beter  te maak as die emosies van dit wat ons eerder wou doen.

In sy boek, “The Motivated Mind” beskryf Jason Gracia die proses as twee skale, aan die een kant is die emosionele gewig van die voordele om die ding te doen, aan die ander kant is die gewig van die voordele om dit nie te doen nie. Die kant met die meeste emosionele gewig sal wen.

Daarom werk dit om die positiewe emosies van ‘n besluit meer te maak, dit  laat die skaal swaai in guns van my besluit om te oefen. En ek gaan die lekker van voor die TV sit verminder. TV kyk is ‘n Disprin duisend!  

Shine - Dis jou reg!

Nuwe Nuwejaarsvoornemes

Nuwe Nuwejaarsvoornemes

‘n Mens se beste vriend is sy drome, dit trek mens deur die lewe. Dis hoekom dit so lekker is om met Oujaar voornemens te maak. Veral as mens tussen vriende is, ‘n glasie wyn drink, kuier. Dis heerlik om te dink dat daar ‘n nuwe begin is, dat dinge hierdie jaar gaan anders wees. 

Volgende oggend begin die skuldgevoel so liggies in my bors roer. Nou sal ek doen by al my dapper praat moet sit.

En hier’s ek alweer met my Nuwejaar voornemens wat nou verwyte geword het. Twee maande van 2014 is verby en bokkerol gebeur.

Voornemens - die woord bevat ingeboude weerstand. Die oomblik wanneer ‘n mens sê: “Ek gaan hierdie jaar maer word.” is daar ‘n draai gevoel op mens se maag, ‘n klein stemmetjie wat sê “ Ja, regtig! Het dit al gehoor! Weer gaan niks gebeur nie.” Net soos al die ander jare. Brene Brown beskryf dit so: Ek is ‘n ervare kaartmaker en ‘n struikelende reisiger in die avontuur van die lewe.  

Ons as mense laat ons mos nie voorskryf nie, nie eers deur onsself nie! Ek moenie vir my liggaam vertel “Jy gaan maer word nie”. Elke selletjie spring dadelik op, erg gewip. Maar as ek sê: “Hierdie jaar gaan ek elke dag dankie sê vir my liggaam en uit dankbaarheid gaan ek jou, liggaam, oppas deur gesonder te eet. Ek gaan lag en dans en die lewe vier.” Dit voel lekker! Nou skree die selletjies van opwinding. Deksels, voel soos Oujaarsaand

So, nou is daar die KPB plan - konstante positiewe beweging. Om elke dag gewoontes in te bou wat my nader aan my doelwitte neem. Ja, doelwitte, nie voornemens nie! So dis die plan vir die res van my jaar. Die tien maande wat nog oor is. En hierdie jaar gaan ek maer word!

My wens vir jou: “May your actions be beautiful prayers” – Rainn Wilson

Shine - dis jou reg!